Hangarau Matihiko - Hei Awhina

Tono

KEI TE HIAHIA TAUTOKO TŌ MĀTOU KURA KIA TAEA AI E NGĀ KAIAKO KATOA TE WHAKAMAHI TE HANGARAU MATIHIKO I RUNGA I TE MĀIA I Ā RĀTOU HŌTAKA WHAKAAKO KATOA.

Kua whakaritea he tautoko matatauranga matihiko kia kaha ai ngā kaiako ki te whakamahi i te hangarau matihiko, ōna hōtaka me ōna pūrere tautoko i ā rātou mahi ako i ngā wāhanga katoa o te marautanga me ngā Ngā Wāhanga Ako.  Ka taea e te tangata whai matatauranga matihiko te whakatau āhea me whakamahi i ētahi hangarau matihiko kia whiwhi ai ia i te putanga e hiahiatia ana.  Ka taea hoki e ia te whakamārama he aha e hua mai ai i āna utauta, taputapu rānei, tērā putanga.  

Hei tauira, ka tono pea te kaiako i tētahi ākonga ki te whakamahi i te pukarangi hei tuhituhi i tētahi pūrongo pukapuka tāhiko, kaua tētahi pūrongo ā-tuhi. Ka taea e te kaiako te tāpiri tākupu ā-tahiko, me te tuku i aua tākupu mā te īmēra ki te ākonga kia whakatikaina. Ka āhei hoki te ākonga ki te tiritiri i te pūrongo ki tāna anō rangitaki kia taea ai e ōna hoa te arotake me te hoatu tākupu. Ko te wāhi tīmata tino pai rawa pea mō ētahi ko te Ako Ngaio me te Whakawhanaketanga Ngaio (PLD) i te Matatauranga Matihiko. Ko ngā tūāpapa ka takoto iho i tēnei PLD, he āwhina pai mā ngā kaiako ki te whai wāhi ki te marautanga Hangarau Matihiko hou.

E puare ana ngā kaupapa mō te Matatau ki te Ao Matihiko i raro i te pūtea pokapū PLD. Mō ētahi taipitopito, pēhia ki konei.

HE AHA NGĀ NEKENEKEHANGA O TE MARAUTANGA HANGARAU MATIHIKO HOU?

Tērā pea, ko te kaupapa nui e whai mai ana ko te Hōtaka Takatū Matihiko ā-Motu (Te Hangarau Matihiko); ko tā tēnei hōtaka he whakamōhio i ngā kaiako me ngā tumuaki ki ngā ihirangi marautanga me ngā rautaki whakaako o te marautanga Hangarau Matihiko hou. Kua āta whakairotia tēnei kaupapa kia whiwhi ai ngā kaiako katoa i ngā mōhiotanga taketake me ngā pārongo mō ngā ihirangi marautanga hou.  Ka whakaratoa tēnei hōtaka ā-ipurangi, ā-kanohi rānei e tā mātou kaiwhakarato, ā, ka whakahāngaitia ki tēnā me tēnā kura, ki tēnā me tēnā Kāhui Ako.

Ki te tono, pēhia ki konei

KUA TAKATŪ MĀTOU KI TE KŌMITIMITI I NGĀ IHIRANGI MARAUTANGA O TE HANGARAU MATIHIKO HOU, ME TE WHAKATŪ I TĀ MĀTOU HŌTAKA MŌ TŌ MĀTOU AKE KURA.

Ko te ako ngaio me te whakawhakawhanaketanga ngaio mā ngā Kāhui Ako mō te Hangarau Matihiko, ka wātea hei wāhanga o te tautoko e utua ana e te kāwanatanga.  He tautoko tēnei mā ngā Kāhui Ako e whai whakaaro ana me pēhea te kōmitimiti i ngā ihirangi  marautanga Hangarau Matihiko hou i roto i ā rātou hōtaka whakaako, me ā rātou mahi ako.  Ka āhei ngā kura me ngā Kāhui Ako ki te mahi me tētahi kaihuawaere whai tohu ki te hanga i tētahi mahere ako ngaio, whakawhanaketanga ngaio hoki e noho urupare ana ki ō rātou hiahia, whakaarotau, tikanga anō hoki mō te whakapuaki i ngā ihirangi marautanga hou.

Ki te tono, pēhia ki konei.